تعليمات المستخدمين Last update 10 months ago

يالله حيهم!


والله ماودنا نكثر عليكم السوالف و التعليمات و الحوسة و على قولتهم ودنا نخلي "البساط احمدي" ، بس في كريتوريا اكثر شي شلنا همه هو كيف نضمن حق الجميع و كيف ممكن نخليها نخليها بيئة آمنة لصناعة و تبادل المحتوى و الابداع لكل الطرفين ✅👍.


عشان كذا حطينا لكم تعليمات مهمة ودنا يعني ان الكل يلتزم فيها عشان الامور تصير طيبة و كلن يضمن حقه و تمشي الامور زي الحلاوة 😁👌


شرايكم؟ اتفقنا؟


Auba Laca handshake GIF : r/Gunners


-- حلوين! يلا نبدأ 🤩👌:


-- المشاريع


  • احرص على كتابة جميع التفاصيل الي تبغاها في طلبك، او حتى في المشروع حقك، مع توضيح كل النقاط الي تبي المبدع يلتزم فيها، عشان تحصل على افضل العروض الي تناسب مشروعك، و ضروري دايم تحدد مدة زمنية، و ميزانية مناسبة لكل مشروع.
  • في حال كان عرض المبدع مختلف عن الي طلبته - في المدة و الميزانية او حتى التفاصيل - لكنك مع ذلك اخترته برضاك، راح يكون عرض المبدع هو المعتمد .. وانت الي راح تتحمل المسؤولية الكاملة في اي مشاكل ممكن انها تصير في مشروعك، راح يتم الاعتماد على عرض المبدع في حال وجود اي شكوى.
  • تقدر تتواصل بشكل مباشر مع اي مبدع تعينه كـ مسؤول لمشروعك و تتفاهمون على كل التفاصيل و تتفقون عليها - اي اخلال من الطرفين باي اتفاق بينكم يرجى التواصل معنا لاتخاذ الإجراءات اللازمة.
  • يمنع منعاً باتاً مشاركة اي معلومات سرية او شخصية لمسؤول مشروعك، سواء كلمات مرور او رقم جوال او حتى حساباتك الشخصية، في حال سويتها ترا مالنا اي علاقة و نخلي مسؤوليتنا من اي شي ممكن يصير، كل هذا بيكون تحت مسؤوليتك الكاملة.
  • بعد ماتتقون على كل تفاصيل المشروع، ممنوع تطلب اي تعديلات خارج نطاق المشروع او طلبات جديدة مختلفة عن سياق المشروع. - يعني مب تتفقون على ثمبنيل ثم تطلب منه يمنتج لك مقطع - لا تسوقها تكفى 🤣
  • لو صار لا قدر الله اي مشكلة بينك و بين مسؤول مشروعك، حاولوا تحلونها بشكل ودي، و في حال ماوصلتوا الي اي حلول، يرجى التواصل معنا.
  • بعد استلام المبدع للمشروع، راح تقدر تتواصل معه بشكل مباشر عبر الموقع، بدون اي حاجة انك تتواصل معه خارج الموقع، اي تواصل خارج الموقع يكون تحت مسؤوليتك الكاملة.
  • إذا سلم لك المبدع اي عمل راح يوصلك تنبيه، و تقدر بعدها تطلب اي تعديلات او اضافات ( في نطاق المشروع و الدفعة ) - اهم شي تكون الدفعة في وضعية التامين.
  • في حال استلمت المشروع واعجبك اكدت عملية الدفع و المبدع وصله مبلغ المشروع، هذا يعني اكتمال المشروع، ماتقدر تلغي المشروع او تطلب اي تعديل في هالمرحلة.
  • في حالة عدم التجاوب (الكلي) من المبدع معك لأنهاء او تسليم المشروع في المدة المتفق عليها، تقدر تلغي المشروع عن طريق التواصل معنا و راح يتم اتخاذ كل الإجراءات اللازمة.
  • يمنع منعاً باتاً تطلب من المبدع التعامل اي وسائل دفع خارجية - تحويل بنكي و غيرها، و ممنوع انك تطلب من المبدع اي وسيلة تواصل خارجية - هالشيء يعرضك لاغلاق حسابك.


-- منصات البيع


-- العروض الخاصة


-- المشاريع

  • العرض حقك لاي مشروع لازم يكون واضح بكل تفاصيله، و متعلق بالمشروع نفسه، عشان كذا حاول دايم تقرا تفاصيل المشروع و تعرف وش المطلوب بالضبط، و تقدم العرض بـ الوقت و الميزانية الي تناسبك.
  • ماتقدر تسوي اي تعديل لعرضك بعد ما ترسله لصاحب المشروع، الا اذا عينك كـ مسؤول للمشروع و صار بينكم تواصل، تقدرون تتفقون على اي تعديلات تبغونها - في سياق و نطاق المشروع -
  • بعد ما تتعين كمسؤول للمشروع، راح يكون عندك الخيار لقبول المشروع او رفضه، اختر الي يناسبك ولا تستعجل الا بعد ماتتفاهمون على كل التفاصيل
  • حاول دايم تتاكد و تستفسر من صاحب المشروع بكل التفاصيل عن المشروع قبل ماتبدأ فيه، و توضح له كل شيء انت بتسويه بالضبط، عشان ماتتقروش بعدين.
  • ممنوع تطلب اي معلومات سرية او خاصة بصاحب المشروع - كلمة مروره او رقم جواله او حساباته.
  • بعد ما تستلم اي مشروع، ننصحك دائماً انك تقسم ميزانية المشروع الى دفعات تطلبها من صاحب المشروع عن طريق نظام (دفعات المشروع) الي هدفه يضمن حقوقكم - احرص دائماً قبل ما تبدا تشتغل على أي شي في المشروع ان الدفعات الي طلبتها في وضع التامين.
  • بعد ماتستلم المشروع، تقدر تتواصل مع صاحب المشروع بشكل مباشر في كريتوريا، يمنع اي تواصل خارجي ونخلي مسؤوليتنا منه. - وشوله حاطين لك تواصل مباشر اجل؟
  • بعد ماتنتهي من اي مشروع و تسلمه لصاحب المشروع و كان راضي بالنتيجة لكن ما حول لك المبلغ الي موجود في وضع التامين خلال 24 ساعة، ياليت تتواصل معنا مباشرة و راح يوصلك حقك كامل، لاتشيل هم ياحبيلك.
  • تقديمك لعروض على مشاريع ماتعرف لها او ماعندك اي خبرة فيها، و تضييعك لوقت و وقت اصحاب المشاريع من خلال التاخير في التنفيذ او التنفيذ بطريقة سيئة او عدم التنفيذ اساساً، راح يؤثر على تقييمك في الموقع و يمكن نضطر اننا نقفل حسابك في كريتوريا.



-- منصات البيع


  • احرص في منصات البيع الي تسويها انك تختار القسم المناسب* - و تذكر فيها جميع تفاصيل الخدمة الي راح تقدمها - من تفاصيل الخدمة الى الاسئلة الشائعة و سعر الخدمة و مدة التسليم المتوقعة و الإضافات و المعلومات الي تحتاجها من عملاءك الي بيشترون منك -
  • يمنع وضع اي معلومات تواصل خارجية في وصف او عنوان منصتك، جميع التعاملات و التواصل تكون في إطار كريتوريا فقط عن طريق خدمة التواصل المباشر.
  • حاول دائماً تسلم جميع الطلبات الي توصلك في خلال المدة الزمنية الي حددتها في منصتك، اي تاخير من طرفك ماراح ينتج عنه الا تقاييم سلبية من عملاءك، و كثرة التاخير المتعمد في تسليم الطلبات قد تؤدي الي حذف منصتك. ( عشان كذا حاول دائماً تحط مدة تسليم يمديك عليها )
  • خانة المتطلبات هدفها انها تساعدك تأخذ الي تحتاجه من العميل سواء صورة او فيديو او غيره عشان تقدر تخلص طلبه بسرعة و سهولة، لذلك يمنع منعاً باتاً طلب اي معلومات سرية و شخصية او كلمات مرور عن طريقها.
  • يمنع طلب اي دفعات اضافية من العميل بعد وصول الطلب لك لطالما ان طلب العميل في نطاق المواصفات الي حددتها في منصتك.
  • يمنع وضع اي صور او فيديوهات مخالفة في معرض المنصة، سينتج عنها حذف المنصة فوراً و في حال التكرار سيتم إغلاق حسابك
  • يمنع وضع اي صور او مقاطع لا تعود لك، لم تصممها، او لا تملك حقوقها.
  • تنفيذ عمل منخفض الجودة أو الاعتماد على البرامج الآلية في تنفيذ المشروع - مثلاً: تسليم صورة منسوخة او كتابة نص معتمداً على Chatgpt، الاعتماد على برامج الترجمة الآلية وتوليد الشعارات والتصاميم آليا أو تقديم عمل أقل جودة من المعروض في منصة البيع.


* يحق لكريتوريا نقل اي منصة بيع قسمها غير مناسب الى القسم المناسب


-- العروض الخاصة

  • حاول دائماً ما تقبل اي مشروع الا و انت عارف كل التفاصيل المطلوبة فيه و تقدر انك تلتزم فيها و تكون متفرغ له بشكل كامل و ضامن انك تسلمه خلال الفترة المحددة.
  • قبل ماتقبل اي عرض، حاول تتواصل مع صاحب المشروع و تاخذ منه جميع التفاصيل الي تحتاجها عشان ما يصير بينكم سوء تفاهم مستقبلاً ويقروشك.
  • يحق لك رفض اي مشروع ماتقدر تسويه لاي سبب، سواء عدم التفرغ او المشروع ما يناسبك.
  • لا تبدأ تشتغل على اي طلب الا و انت متأكد ان المبلغ في وضعية التأمين، في حال سلمت الطلب كامل و لكن العميل ما حول لك المبلغ الي اتفقتوا عليه خلال 24 ساعة، ياليت تتواصل معنا مباشرة و ابشر بسعدك.



و بس والله، إن شاء الله ما كثرنا عليكم! - نشكر لكم التزامكم و تعاونكم مقدماً 💜!


Thank You For Understanding! GIF - Understanding Thanks For ...




هذي الصفحة يتم تحديثها بشكل مستمر.