منصات البيع Last update 5 months ago

-- اهلا و سهلا!


- عزيزي المصمم و الايدتور و كل مبدع يقدم خدماته الرقمية ، صدقني حنا عارفين القروشة الي تمر فيها يومياً 💔


  • تحط خدماتك الرقمية في حساباتك في السوشل ميديا..
  • تقعد بالساعات تبحث عن عملاء توصل لهم خدماتك او تحاول تتواصل معهم
  • يجيك الفين سؤال بالخاص عن الاسعار و الخدمات حقتك
  • يادوب يجيك عميل صامل ولا تدري وش الخدمة الي يبغاها بالضبط
  • تروحون دسكورد تتفاهمون و يقعد يماطل فيك


-- و على هالحال يوميا، و ردد ياليل مطولك!


Angry Hbo GIF by SuccessionHBO


فـ تتمنى كل يوم لو كان فيه مكان يخليك تعرض خدماتك الرقمية بشكل رهيب و تستقبل الطلبات من خلاله بكل سهولة 👌😍✅!


-- ابشرك، هالمكان وصل 🤩💜!!


هي احد الخدمات الرهيبة الي نقدمها في كريتوريا 💜، تسمح لك عزيزي المبدع انك تسويلك منصة بيع خاصة فيك و تعرض فيها خدماتك بكل سهولة!


  • و في منصتك تقدر تتحكم في :
  • تفاصيل الخدمة الي راح تقدمها
  • السعر
  • مدة التسليم المتوقعة
  • الاضافات و الترقيات
  • الميزة الارهب ( المتطلبات ) : الي تسمح لك انك تحدد خانة او طريقة معينة تستقبل من خلالها اي شيء تحتاجه من العميل سواء ملف او شرح للطلب حقه، عشان تكون عملية الطلب سلسه و ماتحتاج ابداً انك تتواصل بشكل مباشر للعميل عشان تطلب منه اي شيء يتعلق بالخدمة حقتك، ولو احتجت تتواصل معه، مو مشكلة تقدر تتواصل معه بشكل مباشر و راح يوصله تنبيه بدون ماتروح له دسكورد و تقعدون نص ساعة عشان تتفاهمون على الطلب 🤣!


و ابشرك، و كل طرق الدفع متوفرة لعملاءك ( ابل باي - اس تي سي باي - مدى - بايبال ) 🤩!


و بكذا، منصتك راح تكون في الموقع و يستعرضونها الاف من صناع المحتوى و الشركات و الافراد، و تقدر تستقبل منهم الطلبات في أي وقت!

وعادي تقدر تسوي العدد الي انت تبغاه من المنصات على حسب الخدمات الي تقدمها!

و برضوا تقدر بعد ماتسوي منصتك او منصاتك يمديك تنشرها في حساباتك في السوشل ميديا بكل سهولة و تزيد طلباتك اكثر و اكثر!


بإختصار، انت مبدع و تستاهل الي يضبطك 💜!



  • بعد ماتسجل حسابك في كريتوريا- اول شيء لازم تسويه انك تخلي حسابك يكون حساب بائع او "حساب مبدع " عن طريق صفحة "كن بائعاً" الي تقدر تحصلها بعد ما تضغط على صورة حسابك.




  • بعدها راح تدخل على صفحة البائع و الي راح تكون بهالشكل





تضغط على "إنشاء منصة بيع جديدة"






- بعدها راح تظهر لك 4 خطوات مافيه اسهل منها 🤩👌 !






في هالخطوة تحط القسم المخصص و المناسب للخدمة الي راح تقدمها مع كل التفاصيل الي راح تقدمها في خدمتك من عنوان و وصف للمنصة و الخدمة الي راح تقدمها.

* ولا تنسى علامات البحث عشان منصتك تطلع لاي شخص يبحث في الموقع!*


و في نهاية هالصفحة راح تلاحظ خاصية "الاسئلة الشائعة"، الي راح تخليك تحط اغلب الاسئلة الي تجيك بالعادة من عملاءك مع اجابتها عشان تختصر على نفسك و على عملاءك وقت كثير!




بعد ما تحط كل التفاصيل المطلوبة، عطها حفظ و متابعة!