المشاريع و الدفعات Last update 1 year ago
هلا والله!
من ابرز المميزات الي موجودة في كريتوريا هي صفحة ( المشاريع ) ، و الي تمكنك من طلب اي مشروع تبغاه اياً كان! ( سواء من ثمبنيل يوتيوب، مونتاج مقطع، هندسة صوت، و حتى الترجمة يمديك تطلبها من هنا! ) حرفياً : أي. شي. في بالك! 🤩💜
و بـ 3 خطوات بسيطة جداً!
- الخطوة الاولى: بكل بساطة بعد ما تضغط على صورة العرض حقتك - تضغط على خانة " اطلب مشروع "
او عشان نختصر عليك ياحب - اضغط هنا -
- الخطوة الثانية: تعبي كل التفاصيل الي تبغاها في مشروعك - من عنوان و وصف و الهاشتاقات عشان يسهل على المبدعين انهم يوصلون لطلبك! ) - و اخر شيء تحدد الميزانية الي راح تحطها في المشروع
- * فيه ميزة اختيارية الي هي ترويج طلبك بمقابل بسيط، مثل انه يكون مميز او مشروع عاجل، لا تفوتك!
- الخطوة الثالثة: الحين تنتظر و راح توصلك عروض من المبدعين لمشروعك، تقدر تختار اي مبدع انت ودك فيه و يكون مناسب لك و تقدر تعينه مباشرة كـ مسؤول لمشروعك.
و الحين تقدر انت والمبدع مسؤول مشروعك تتفقون على كل التفاصيل و طريقة التسليم بينكم عبر ميزة الشات المباشر!
شفت كيف الدنيا بسيطة؟ 😍💜
-- خذ معي هالسيناريو:
مسؤول مشروعك = لازم يضمن حقه و يوصله المبلغ عشان يقدر يشتغل و هو متطمن لان يمكن ينسحب عليه
انت كـ صاحب مشروع = لازم تضمن حقك و ماودك تسلم له المبلغ عشان حتى هو يمكن يسحب عليك
ايييييييوووووووووووووه
🤣🤣🤣- طيب وش الوضع كذا؟
عشان اختصرها عليك: دفعات المشروع هو نظام مخصص لخانة المشاريع فقط، , و هو نظام مننا عشان يضمن حق الجميع، لك كـ صاحب للمشروع عشان تكون راضي بالنتيجة ، و للمبدع الي ماسك مشروعك عشان يستلم حقه كامل. - و عشان اختصرها عليك اكثر و بالعامية كذا : عشان محد يسحب على الثاني 🤣👌
وموضوع دفعات الشروع شيء متعلق فيك انت و مسؤول مشروعك، تقدرون تتفقون عليه براحتكم.
بكل بساطة: بعد ما يطلبك مسؤول مشروعك دفعة للمشروع، تقدر تحط هالدفعة في وضع التأمين، و هذا معناه ان الدفعة راح تكون محفوظة عندنا في نظام الموقع 👌
- و بعد مايسلمك المطلوب ( حسب الدفعة ) وتكون راضي بالنتيجة، تقدر تأكد له المبلغ وراح يوصله المبلغ مباشرة.
و بكل بساطة، كلكم تطلعون مبسوطين 🤩!
بالله كيفنا معكم 😎؟
أسئلة شائعة :
1- هل يقدر مسؤول مشروعي ياخذ او يطلب دفعات اكثر من ميزانية المشروع؟
لا مايقدر - مثلاً: ميزانية المشروع 20$، مسؤول مشروعك مايقدر يطلبك اكثر من 20$، لكن انت تقدر تعطيه اكثر لو حاب و اعجبك الشغل - يعني تقدر تقول Tip- .
2- مسؤول مشروعي طلب دفعة وحدة للمبلغ كامل، وش اسوي؟
الموضوع راجع لك تماماً و على مسؤوليتك و على حسب نوع مشروعكم، إذا كنت ضامن المبدع هذا و كان بينكم تعاملات سابقاً، او المشروع سهل و ما يبيله قروشه، تقدر تسلمه المبلغ كامل، لكن ننصحكم دايم انت و مسؤول مشروعك تقسمونها لأكثر من دفعة.
3- حطيت المبلغ في التامين بس مسؤول مشروعي سحب علي؟
ما عندك أي مشكلة ولا تشيل هم، تقدر تتواصل معنا و راح نرجع لك كامل المبلغ و نتخذ كافة الإجراءات بخصوص مسؤول المشروع.
4- سويت الشغل كامل و سلمته لصاحب المشروع بس ما حول لي المبلغ الي في وضع التامين؟
قبل أي شي ننصحك دايم ما تسلم أي عمل الا و انت ضامن ان الدفعة في وضع التامين، عشان نقدر نحوله لك من عندنا، فـ في حالة ان المبلغ في وضع التامين و صاحب المشروع ما حوله لك، تقدر تتواصل معنا و راح نحوله لك عن طريقنا و نتخذ اجراءاتنا مع صاحب المشروع.
وإذا واجهتكم أي مشاكل لا تترددون في التواصل معنا : admin@creatorea.com