- مركز المبدعين - Last update 5 months ago

\\ هلا بمبدعنا 💜!


Michael Scott Hug GIFs | Tenor



في كريتوريا، حرصنا و تركيزنا و كل اهتمامنا فيك عزيزي المبدع، لانك العملة الرئيسية في المنصة، لذلك نحرص دائماً على توفير افضل الطرق الي تساعدك في نشر و بيع خدماتك -ابداعاتك- الرقمية 😍💜


\\ في هذي الصفحة ، راح تكون مرجع لك يامبدعنا لكل الاسئلة و الشروحات الي تتعلق برحلتك في البيع بكريتوريا، و عشان اطمنك، الوضع سهاااالااااات 🤩👌!


\\ مبدئياً، نتمنى منك تراجع هـ الصفحات المهمة جداً 💜.




\\ خليت حسابي بائع، و طلعت لي صفحة اسمها "لوحة البائع"، وش سالفتها؟


هذي سلمك الله لوحة خاصة فيك انت، اعتبرها زي بيتك، من خلالها تقدر تشوف الطلبات الجديدة الي توصلك، و تتحكم فيها بمنصات البيع حقتك و العروض اللي تقدمها، و تتواصل فيها مع عملاءك، و تشيك فيها على احصائياتك بشكل مفصل، باختصار، شيء رهيب 😍💜!


طييييييييب وش رايك نمشي عليها حبة حبة؟


Let-do-this GIFs - Get the best GIF on GIPHY



  • الرئيسية

فيها مخلص لكل شيء خاص فيك، من احصائيات و طلبات و مشاريع تعينت عليها، و رسائل جديدة وصلتك، يعني تعطيك الزبدة باختصار 🤣👌




  • الطلبات

في هذي الصفحة بتحصل كل شيء متعلق بالطلبات الي توصلك، تقدر تستعرض فيها تفاصيل الطلب و المتطلبات حقته و تتواصل عن طريقها مع العميل مباشرة لو حاب، و تسلم الطلب من خلالها، مع ملاحظة ان الصيغة المعتمدة لتسليم أي طلبات هي صيغة ضغط الملفات .zip.




  • منصات البيع

يمديك من خلال من هالصفحة تسوي منصة بيع جديدة او تعدل في منصاتك او تحذفها، و تشيك على كل مايتعلق بمنصاتك من سعر و تقاييم و عدد الضغطات الي جت على منصتك، و تقدر برضوا من خلالها تستعرض الاحصائيات كاملة و تشوف تقاييم المنصة.




  • المشاريع

في هذي الصفحة راح تستعرض المشاريع الي تم تسليمها لك من العملاء، مع العلم انه عندك الخيار لقبول او رفض اي مشروع يجيك، تقدر من هالصفحة تتحكم بكل المشاريع الي انت مسؤول عنها و تطلب دفعات مشروع و تتواصل مع مسؤول مشروعك بشكل مباشر.




  • العروض

من خلال هالصفحة راح تشيك على العروض المخصوصة الي توصلك من عملاءك، سواء كنتوا متفقين عليها من قبل او بدون اتفاق، و يمديك تقبل او ترفض اي عرض مخصوص يوصلك، و تشيك على كل التفاصيل و الدفعات و تستقبل و ترسل حقته.




  • التقييمات

في الصفحة راح تشيك على كل تفاصيل التقييمات الي توصلك ⭐




  • طلبات الاسترجاع

اي طلبات استرجاع "Refund" راح تكون ظاهرة لك في هالصفحة ولك الخيار بالتعامل معها.

- حاول دائماً تكون منطقي وتتفهم وجهة نظر العميل الي طالب استرجاع و اسبابه و تتخذ القرار الي تشوفه المناسب.

- في حالة رفضك لطلب الاسترجاع عند العميل خيار لرفع طلب الاسترجاع للإدارة و بدورنا راح نحكم للطرف المتضرر بكل حيادية.




  • معرض الاعمال

احد مميزات كريتوريا الرهيبة انه يمديك تسويلك معرض اعمال "Portofalio" خاص فيك و يكون ظاهر في بروفايلك و يمديك تشاركه في كل مكان!




  • السحوبات

عاد هنا لازم نشغل "Here Comes The Money" 🤣

Here Comes The Money GIFs | Tenor



في هالصفحة عزيزي المبدع تقدر تطلب سحب للرصيد الي كسبته من طلباتك وراح نرسله لك كـ دفعة في البايبال 💜

** اقل رصيد مسموح للسحب هو 10$

** يمديك تسوي طلب سحب واحد اسبوعياً

** عادةً ما نطول في معالجة طلبات السحب، فـ راح تستغرق من ساعة الى 48 ساعة، على حسب ضغط طلبات السحب في هذي الفترة.


\\ ابغى اسحب رصيدي بس ماعندي حساب بايبال؟


نعتذر منكم مبدعيننا بس حالياً خدمة سحب الرصيد المتوفرة هي بايبال فقط


\\ طيب هل اقدر استفيد من رصيدي و اشتري خدمات ثانية من الموقع؟


اكيد تقدر ليش لا!


\\ عندي مشكلة او استفسار كيف اقدر اتواصل معكم؟

عيوننا لك 🤩💜

-- تقدر تتواصل معنا عبر حساباتنا في مواقع التواصل الاجتماعي iCreatorea@ ، او من خلال الايميل admin@creatorea.com 💜